Bea Alonzo naghain ng kasong cyber libel vs Cristy Fermin, Ogie Diaz

SINAMPAHAN ng tatlong magkahiwalay na cyber libel sa Quezon City Prosecutor’s Office ni Bea Alonzo ang showbiz columnist at talk show hosts na sina Cristy Fermin at Ogie Diaz.

Kabilang sa mga sinampahan ng kaso ang mga co-host sa kani-kanilang online programs, at isang hindi pinangalanang netizen na nagpanggap na nagsasalita sa ngalan ng aktres.

Ayon sa kampo ng aktres, biktima siya ng “false, malicious, and damaging information.”

Kasama ni Alonzo ang kanyang manager na si Shirley Kuan at ang kanyang abogado na si Atty. Joey Garcia.

Isa sa mga maling ulat na inirereklamo ay ang sinabing hindi pagbabayad ni Alonzo ng tamang buwis.

Kamakailan lang ay tinapos ni Alonzo ang

tatlong-taong pakikipagrelasyon sa nobyong si Dominic Roque noong Pebrero at doon ay nagsimula na ang sinabing mga malisyosong haka-haka na sanhi ng kanilang paghihiwalay. (ALMAR DANGUILAN)