2 manyak na kelot sa Bulacan tiklo

DALAWANG lalaki na kabilang sa most wanted persons (MWPs) ang magkasunod na nadakip sa magkahiwalay na operasyon ng pulisya sa Meycauayan City, Bulacan kamakalawa.

Sa ulat na ipinadala kay P/Colonel Relly B. Arnedo, provincial director ng Bulacan PPO, ang dalawang akusado na may kasong rape ay naaresto sa maghiwalay na trackdown operation ng Bulacan PNP.

Kinilala ang unang inaresto na si alyas Mark, isang 21-anyos construction worker na natutop ng mga operatiba mula sa isang bahay sa Brgy. Bahay Pare, Meycauayan City.

Si alyas Mark ay nakatala bilang No. 7 Regional Level, No. 3 Provincial Level at City Level MWP ng Meycauayan CPS, ay pinaghahanap dahil sa krimeng panggagahasa at nahuli sa bisa ng warrant na inisyu ng Presiding Judge, ng Family Court, Branch 1, Lungsod ng Caloocan, NCR.

Kasunod nito, ang No. 6 Provincial Level at No. 2 City Level MWP ng Meycauayan CPS, na kinilalang si alyas John, isang 23-anyos caretaker, ay naaresto sa Lambakin, Marilao.

Ang akusado ay pinaghahanap sa krimeng Rape by Sexual Assault na nakasaad sa warrant na inilabas ng Presiding Judge ng Family Court, Branch 4, City of Malolos, Bulacan. (MICKA BAUTISTA)