HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI na mapipigilan pa ang Vivamax na mas painitin pa ang summer dahil dalawang pelikula ang handog nila na tiyak lalong magpapaapoy ng inyong mga damdamin, ito ang Late Bloomer at Dirty Ice Cream.
Matinding emosyon ang magbubunga sa dalawang babaeng nasa pagitan ng pagkakaibigan at pag-ibig sa Late Bloomer na streaming na sa April 30, 2024.
Ang Late Bloomer ay tungkol kay Therese dela Cruz (Robb Guinto), isang maganda at mabait na production staff. Isang araw, magbabago ang kanyang buhay dahil mada-diagnose siya ng Myelodysplastic Syndrome (MDS), isang uri ng terminal cancer. Determinado si Therese na lubusin ang bawat sandali ng kanyang natitirang panahon, kaya nanaisin niyang makipag-date at makipagtalik sa ibang tao. Dahil dito, hihingi siya ng tulong sa kanyang best friend na si Maddie Reyes (Erika Balagtas).
Sa gitna ng sexual flings ni Therese, mapagtatanto niya na gusto niya ng mas malalim na relasyon. Pero sa gitna ng posibilidad na i-explore ang isang romantic relationship, magpo-propose ng kasal ang boyfriend ni Maddie na si Arthur (Ardy Raymundo).
Ito ay idinirehe ni Rodante Y. Pajemna Jr., na nagsilbi ring writer at direktor ng ibang Vivamax original movies na Punit na Langit at Katas.
Samantala, dalawang hot sorbeteros naman ang magpapabilis sa tibok ng mga puso sa isang mainit at magulong summer sa Dirty Ice Cream, isang sexy heist movie mula sa direksiyon ni Mervyn Brondial. Streaming na simula May 10, 2024.
Ginagampanan nina Ghion Espinosa at Seonwoo Kim ang papel ng mga sexy sorbeteros na sina Junebert at Monch, na magiging “objects of desire” ng mga kasambahay at maybahay sa isang tahimik na subdivision sa Manila. Nagke-crave ang mga kakabaihan doon na matikman ang kanilang ice cream… at higit pa.
Sa pinakamainit na araw ng summer, magkakaroon ng blackout sa subdivision. Darating sina Junebert at Monch dala ang kanilang sorbetes. Kukunin ng mga kababaihan ang pagkakataong ito para magsalitan na gamitin sina Junebert at Monch para sa kanilang mga lihim na pantasya.
Paiinitin nina Christy Imperial, Yda Manzano, Jem Milton, Candy Veloso ang summer sa pagganap nila bilang mga kababaihan ng subdivision. Huwag palampasin ang ultimate guilty pleasure na ito sa Dirty Ice Cream.’
