HATAW! D'yaryo ng Bayan hatawtabloid.com
NAGSAGAWA ng Community Outreach Program ang Donate Philippines sa pangunguna ni Myrna Reyes sa pakikipagtulungan ng Philippine National Police (PNP) sa pangunguna ni P/General Rommel Francisco D. Marbil, Chief PNP sa Sitio San Martin, Brgy. Sto Nino, Bamban, Tarlac nitong 28 Abril 2024.
Ang nasabing aktibidad ay isang collaborative effort ng Directorate for Police Community Relations na pinamumunuan ni P/MGeneral Edgar Allan Okubo, TDPCR; Police Regional Office 3 sa pamumuno ni P/BGeneral Jose S. Hidalgo, Jr., RD, PRO3; Regional Medical and Dental Unit 3 sa pamumuno ni P/Colonel Jesus Ostrea III; Tarlac Police Provincial Office sa pamumuno ni P/Colonel Miguel M. Guzman, PD, Tarlac PPO; Bamban Municipal Police Station sa pamumuno ni P/Major Jessie James Domingo; Pamahalaang Panlalawigan ng Tarlac sa pamumuno ni Hon. Susan Yap, Gobernador, Lalawigan ng Tarlac; LGU ng Bamban sa pamumuno ni Mayor Alice L. Guo; Engr. Lovercain De Jesus; SAF, RCEU 3, HPG at iba pa.
Kabilang sa mga serbisyong iniaalok ay medical, dental/tooth extraction, oplan tuli, libreng bitamina at gamot, feeding program, libreng tsinelas, at libreng grocery packs para sa mga kababayan sa Sto. Niño at iba pang kalapit na barangay. (MICKA BAUTISTA)
