Camille aminadong nag-enjoy sa buhay-showbiz

COOL JOE!
ni Joe Barrameda

ISANG masayang lunch invitation ang natanggap namin mula kay Congresswoman Camille Villar kumakailan na idinaos sa Brittany Hotel sa BGC. Sa halos apat na oras ay masayang nakisalamuha ang butihing anak nina Sen Manny at Cynthia Villar at masayang sinagot ang mga tanong mula sa mga kasamahan namin sa panulat. 

Matagal na rin naman namin kakilala si Camille na may halong politics at showbiz ang naging buhay. Aminado si Camille na nag-enjoy siya sa buhay-showbiz at political. Dati siyang co-host ni Willie Revillame kaya marami siyang kaibigang artista. 

Si Camille ay well bred at maganda ang educational background. Kaya maganda rin ang mga position niya sa mga family business.

 Ang maganda pa kay Cong Camille,  priority niya ang mga batas para sa showbiz at kapankanan ng mga journalist na katulad namin. Mga benefit sa pangangalaga ng mga journalist at hindi lang showbiz. Maganda ang pagpapalaki sa kanila ng kanilang mga magulang. 

Maganda man ang estado nila sa lipunan pero pinalaki sila na may disiplina. 

Masuwerte naman ang ma magulang nila at lumaki ang mga anak na matitino at walang pasaway.