Rose Van Ginkel ‘di na maghuhubad

RATED R
ni Rommel Gonzales

MAHIGIT isang taon na pala mula noong mapanood sa isang seksing pelikula ng Vivamax (ang Kitty K7) si Rose Van Ginkel.

Sa bagong six-part mini-series ng Viva One na Sem Break ay hindi magpapaseksi si Rose.

Pahayag ni Rose, “Actually, hindi ko naman siya kinu-close pero gusto ko kasi mag-explore. Parang sa iba naman, especially the genre.

“Hindi ko siya totally kinu-close kasi part pa rin ‘yon ng acting and ang dami ko rin

natutunan habang nandoon ako sa Vivamax.

“Kasi they allow us to explore ‘yung characters na ibinibigay sa akin kaya sobrang malaking bagay talaga ‘yung panahon na naghubad ako.”

Iba ang saya ni Rose ngayong hindi siya maghuhubad sa harap ng kamera.

Lahad niya, “But of course, sobrang saya ko dahil this year, pinayagan ako ng Viva na gumawa ng projects outside Vivamax, which is nasobrahan naman.

“I think in two months, nakatatlong project ako, which is ‘Lumuhod Ka sa Lupa,’ ‘Sem Break,’ at ‘Men Are From QC, Women Are From Alabang.’

“Sobrang thankful ako pero hindi ko naman sinasabi na hindi na ako magpapaseksi, I’m sure siguro right projects lang ang inaantay ko.”

Ang Sem Break ay pagbibidahan nina Jerome Ponce at Krissha Viaje at magsisimula ang streaming sa Viva One sa May 10 at mapapanood tuwing Biyernes.

Kasama rin dito sina Aubrey Caraan, Hyacinth Callado, Gab Lagman, Keann Johnson, Dani Zee, at Felix Roco, sa direksiyon ni Roni S. Benaid.