HATAW! D'yaryo ng Bayan hatawtabloid.com
RATED R
ni Rommel Gonzales
KASAMA sa cast ng Asawa Ng Asawa Ko ang Vivamax actress at scriptwriter na si Quinn Carillo.
Hindi nagpapa-seksi rito si Quinn kaya nangangahulugan kaya na tatalikuran na ang pagpapaseksi? O babalik din siya sa sexy roles kapag natapos na ang serye?
Lahad ni Quinn, “Depende na po sa material.
“Kasi rito naman po kahit sinabihan ako na bawal maghubad, ‘Direk ito na, ako na’, kasi ano eh, sayang ‘yung story, ‘pag hinihingi ng story bakit natin ibibigay, ‘di ba?”
Kasama kasi si Quinn sa Haslers ng Vivamax na available pa rin via streaming sa Vivamax.
Pagpapatuloy pa niya, “And then ‘yung vision naman ng director malinaw, hindi ka naman babastusin, naroon naman talaga ‘yun sa… basta given the right material, papayag naman po ako.”
Si Quinn ang sumulat ng script ng Haslers na tampok din sina Angelica Cervantes, Hershie de Leon, Denise Esteban, Calvin Reyes, Marco Gomez, sa direksiyon ni Jose Abdel Langit.
Sa Asawa Ng Asawa Ko naman, siya si Leslie na bestfriend ni Shaira (Liezel Lopez) na involved sa isang magulong trayanggulo with Jordan (Rayver Cruz) at Cristy (Jasmine Curtis-Smith). Idinirehe naman ito ni Laurice Guillen.
