HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MAY kemistri naman sina Paulo Avelino at Kylie Verzosa as proven by their latest starrer na Elevator.
‘Yun nga lang, dahil mas identified ngayon si Paulo kay Kim Chiu, “bawas-kilig” sa mga makakapanood ng movie ang maganda nilang rehistro on screen.
Don’t get us wrong, pero puwede naman talagang itambal si Paulo kahit kanino, mapa-girl man o kahit sa BL siguro dahil angkin nga ng aktor ang mahusay na pagganap at appeal.
Sana lang talaga ay naihihiwalay ng fans nila ang mga ganitong senaryo para hindi naman malimita ang versatility ng kanilang idolo sa pagtanggap ng roles, sa movies man o TV.
Speaking of Elevator, ano kaya ang reaksiyon ni Kim na nanood ng red carpet premiere ng movie kasama sina Pau at Kylie?
Todo support si Kim sa movie ni Pau at talagang may-i-endorse pa ito sa mga naki-Marites na mga manonood.
Sa movie kasi ay may mga eksenang halikan ang mga bida at dahil feeling namin may kalandian ang direktor ng film, talagang binigyan niya ng close-up ang “ngangang bibig at nakabukang labi” nina Pau at Kylie para siguro makuha ang tamang emosyon sa istorya.
Kaya marahil pasulyap-sulyap si Pau sa likod niya kung saan nakaupo si Kim na para bang sinasabi nitong, “eksena lang iyan, wala lang iyan.”
