HATAW! D'yaryo ng Bayan hatawtabloid.com
GOOD news para sa sports enthusiasts dahil pwede nang mag-tune in sa pinakaunang sports podcast ng GMA Network, ang Game On!
Hosted by Martin Javier, Anton Roxas, at Coach Hammer Antonio, tampok dito sa podcast ang mga kuwento, interviews, at special features sa mga atleta, coaches, at iba pang sports luminaries.
Nitong April 12 unang umere ang pilot episode ng podcast na pinag-usapan ng hosts kung sino ang mga dream guest nila sa kanilang show. Ilan sa mga nabanggit nila ay ang basketball superstar na si LeBron James, DLSU coach Ramil de Jesus, PBA player CJ Perez, volleyball player Michelle Gumabao, NCAA executives, at siyempre ang Philippine basketball Living Legend na si Robert Jaworski.
Tuwing Biyernes, may bagong episode na available sa Spotify, Apple Podcasts, Google Podcasts, at iba pang social media platforms ng GMA Sports, GMA Integrated News, at GMA Synergy.
Huwag palampasin ang masayang kuwentuhan at talakayan tungkol sa sports tuwing Biyernes kasama sina Martin, Anton, at Coach Hammer!
