Anak ni Elle Villanueva sino ang ama?

RATED R
ni Rommel Gonzales

#TeamAlex o #TeamSeb ba kayo?

Kasing init ng summer ang palitan ng kuro-kuro ng mga marites na netizens at viewers kung sino nga ba ang ama ng anak ni Amira (Elle Villanueva) sa revenge drama na Makiling.

Ngayong nabunyag na buhay pala ang anak ni Amira, bukod sa nasaan ito ay isa pang tanong ang bumabagabag sa Makiling viewers: Sino ang ama?

Automatic daw na si Alex (Derrick Monasterio) ito para sa #TeamAlex dahil siya naman ang nobyo noon ni Amira bago pa man nalagay sa panganib ang buhay ng ating bida. 

Pero siyempre ‘di patatalo ang #TeamSeb. Dahil na rin nga ilang ulit pinagsamantalahan ni Seb (Kristoffer Martin) si Amira noon, may teorya ang Seb-Amira shippers na siya ang naging ama ng ipinagbuntis ni Amira.

Bukod sa paghanga ng viewers sa ipinakikitang akting ni Elle sa kanyang serye, tila marami rin ang kinikilig sa chemistry nina Elle at Kristoffer ha! Wish nga ng ilan, sana raw may next project sila together na sila ang magkapares. Naku, ano naman ang masasabi ng #TeamAlex dito? 

Patindi na nga nang patindi ang episodes, na patuloy na namamayagpag sa GMA Afternoon Prime.