HATAW! D'yaryo ng Bayan hatawtabloid.com
RATED R
ni Rommel Gonzales
FAKE news ang mga kumakalat na balitang flop ang Sparkle show tour sa Canada kamakailan.
Sa katunayan, babalik doon ang grupo nina Barbie Forteza at David Licauco (BarDa), Ruru Madrid at Bianca Umali (RuCa), at Julie Ann San Jose at Rayver Cruz (JulieVer) sa Nobyembre para sa isa na namang concert tour.
Kung flop ang nauna nilang shows, bakit sila pababalikin doon ng producers?
At nakakakita kami ng mga litrato at videos bilang resibo na makikitang punompuno ang bawat venue na pinuntahan ng tatlong loveteams with Boobay sa Canada.
At kahit kami mismo, naranasan namin ang mainit na pagtanggap ng mga Filipino sa Canada sa mga Pinoy artist sa katatapos lamang na concert tour doon nina Jose Manalo at Wally Bayola.
