Pagsisimula ng serye ni Marian pinusuan ng viewers 

RATED R
ni Rommel Gonzales

MAINIT na tinanggap ng viewers ang comeback series ni Kapuso Primetime Queen Marian Rivera, ang My Guardian Alien.”

Mula pilot episode noong April 1, patuloy na namamayagpag sa ratings ang serye. Todo-puri rin ang netizens sa kuwento nitong puno ng damdamin. Unang linggo pa lang pero marami na ang kinilig, natuwa, namangha, at naiyak sa pamilya nina Katherine (Marian), Carlos (Gabby Concepcion), at Doy (Raphael Landicho).

Komento ng ilang netizens sa GMA Network Facebook page, “I really love the execution of the scenes in My Guardian Alien. Talagang kapana-panabik lahat ng mga ganap at sa pilot episode pa lang, pinakita talaga ng ating Primetime Queen Marian na siya talaga ang may hawak ng trono mula noon hanggang ngayon, walang kupas!”

Dagdag pa ng ibang Kapuso, “Ganda lahat mula story, location, pang-Best Picture ‘to kung naging movie. Grabe talaga si Direk Zig [Dulay]. ‘Yung visuals ng mga gawa niya sobrang ganda talaga. Sobrang pleasant sa mata.”   

Noong April 4, nasaksihan ng lahat ang official touchdown sa Earth ng pinakamagandang alien sa balat ng lupa.  

Tutukan ito mula Lunes hanggang Biyernes, 8:50 p.m.