HATAW! D'yaryo ng Bayan hatawtabloid.com
RATED R
ni Rommel Gonzales
THE war ain’t over yet para kay Black Rider, kaya naman tutok na tutok ang sambayanan sa mga maaaksIyong eksenang patuloy na naghahatid sa kanila ng iba’t ibang emosyon.
Kung inakala ng marami na tapos na ang laban sa pagkamatay ng mga sindikato sa Isla Alakdan, nagkakamali sila dahil nag-uumpisa pa lamang ang sagupaan. Matapos sumuong sa matinding labanan, kailangan magpalakas ni Elias (Ruru Madrid) dahil nabubuo na naman ang bagong puwersa ng kasamaan na tiyak hahamon at magpapahirap sa kanya. Dagdag pa rito ang maiitim na balak ni Senator William (Roi Vinzon).
Sey nga ng isang netizen, “Magpalakas ka Elias dahil mas matindi ang darating na kalaban!”
Dagdag ng isa, “Napuruhan si Elias! Sana maka-recover siya agad sa tulong ng mga kakampi niya.”
Siguradong walang magiging nonchalant sa mas umaatikabong mga kaganapan sa action series.
