Max Collins ‘di inurungan pang-aapi kay Marian

RATED R
ni Rommel Gonzales

SI Max Collins bilang si Venus ang kontrabida sa buhay ni Marian Rivera na gumaganap na si Katherine sa My Guardian Alien.

Mahirap bang apihin si Marian?

“No,” mabilis na reaksiyon ni Max. “Hindi po ako nahirapan kasi professional po ako and I love my job as an actress, it’s my job, and it’s been fun kasi nag-uusap kami beforehand eh, before the scene.

“Talagang like, ‘Okay ba, na sampalin kita?’

“Ganoo , ‘Okay ba na saktan kita?’

“Okay naman siya, so okay naman sa kanya, okay ‘di ba, may permission. Basta may permission okay,” ang bulalas pa ni Max.

Marami silang eksenang sampalan ni Marian sa serye.

Paano ba siyang kontrabida sa serye?

“Kasi family drama ‘to, it’s not as mabigat as I’m used to, it’s nice kasi kahit na kontrabida ‘yung role ko parang there’s a lightness, I think.

“Or humor to my character in a sense where sa sobrang arte ni Venus I feel like magugustuhan siya ng mga tao kasi mae-entertain sila.

“Mae-entertain kayo sa performance ko,” at tumawa si Max.

“Because it’s something… kakaibang Max Collins ang mapapanood niyo po rito.”

Marami siyang mahahabang quotable quotes bilang si Venus.

Nagpasalamat si Max sa mga bumubuo ng serye lalo sa kanilang direktor na si Zig Dulay at mga writer sa tiwalang ipinagkaloob sa kanya.