HATAW! D'yaryo ng Bayan hatawtabloid.com
RATED R
ni Rommel Gonzales
BONGGA ang sanib-puwersa ng dalawang prinsesa na sina Barbie Forteza (GMA) at Kim Chiu (ABS-CBN).
May pa-question and answer ang dalawa sa kanilang vlog na hindi lamang tungkol sa career ang tsikahan kundi maging sa personal na buhay nilang dalawa.
Tinanong ni Barbie si Kim sa posibilidad na magsama sila sa isang proyekto, natural excited ang dalawa.
Lahad ni Kim, “Naiisip ko puwede nating gawin since marami tayong energy gusto ko like gumawa tayo ng nakatatawang pelikula. Funny na magkapatid na baliwan na magkaaway pero nag-reconcile.”
Natatawang say naman ni Barbie, “Tayo magre-refuse? No!
“Kaya lagi niyo po kami nakikita! We are the yes girls,” sundot ni Kim.
Sinabi naman ni Barbie na, “Siguro ‘pag ‘di lang appropriate ‘yung material, ‘yung parang, ‘hindi ko pa to gagawin at this moment.”
Dumako naman sa pagmu-move on ang tsikahan nila na tinanong ni Barbie si Kim na mabilis na nag-react habang tumatawa. “Oo mabilis ako mag move on. Ano ba ‘yon? Áno ba tanong?“
Dagdag pa ni Kim, “Ang saya ng buong vlog, sobrang fun, walang pressure. Hindi ko nga alam kung nagkakaintindihan kami kasi apiran lang kami ng apiran, hampasan lang kami nang hampasan.”
