Arah Alonzo, tumodo sa pagpapaka-daring sa pelikulang Stag

ALAM MO NA!
ni Nonie Nicasio

SA ISANG stag party, gabi na dapat ay para sa kasiyahan at pagpa-party ang mauuwi sa isang gabi na puno ng misteryo at mga hindi pangkaraniwang pangyayari na hindi basta-basta maibabaon sa limot.

Sina Gold Aceron, Denise Esteban, at Arah Alonzo ay bibida sa latest sexy thriller ng Vivamax mula sa direksiyon ni Jon Red. Kasama rin sa pelikula sina Aerol Carmelo, Allan Paule, Yda Manzano, at Jaime Fabregas.

Aminado ang sexy actress na si Arah na ang pelikulang Stag ang pinaka-daring na nagawa niya.

Esplika ng dalaga, “Ire-rate ko itong 10/10 talaga, kasi wala ako masyadong restriction dito. May sex scene kami na wild talaga na rito sa Stag movie ko lang nagawa.

“All out kami parehas ni Gold dito. Bale ang maiinit na eksena namin, nude po kami talaga na plaster lang ang takip sa private parts namin. With plaster pa rin po talaga, iyon lang talaga ang restriction namin doon sa mga ganoong eksena.”

Dagdag ng seksing-seksing talent ni Jojo Veloso,

“Ang role ko po rito is girlfriend ako ni Gold, pero ‘yung relationship namin hindi gaanon ka-hard, kumbaga hindi pa ako ganoon kaseryoso lalo na pagdating sa kasal, dahil ayaw kong magpakasal at hindi ako naniniwala sa mga kasal-kasal.”

Ready ka na ba para sa isang wild night? Panoorin ang STAG exclusively sa Vivamax simula ngayong April 5, 2024.