Yasmien at Dianne naggagandahang buntis

KAPWA sabik at masaya sina Yasmien Kurdi at Dianne Medina sa mga ipinagbubuntis nila.

Masayang ipinakita ni Yasmien sa kanyang social media accounts ang tinawag niyang “baby dragon,” ang  second baby nila ng non-showbiz husband na si Rey Soldevilla, Jr. Isang video ng ultrasound  na gumagalaw sa kanyang tiyan ang ipinakita ni Yasmien. Kasama roon ang boses ng isang bata na tila nagbibigay ng update habang nasa sinapupunan.

Caption ng aktres, “I am ALIVE! [pregnant emoji] So chubby! [holding back tears emoji] I Love You [happy face with hearts emoji]” Kalakip ang hashtags na “your mama dragon loves you so much,” “can’t wait to see you,” “my baby dragon,” “3rd dragon” at “I promise to protect you always.”

May post din si Yasmien ng litrato na kuha sa kanyang maternity shoot na gandang-ganda kami. Nakasuot ito ng white pants at white polo na kitang-kita ang baby bump. May caption iyong, “Forever grateful for this little blessing [heart hands emoji].” 

Nobyembre 2023 inanunsiyo nina Yasmien at Rey na magiging ate na ang kanilang panganay na anak, si Ayesha na November 2012 pa ipinanganak. Kaya malayo-layo ang agwat ni Ayesha sa kasunod niyang kapatid.

Sa Instagram din masayang ipinakita ni Dianne ang kanyang baby bump habang hawak ni Rodjun Cruz, asawa niya, ang ultrasound result.

“Easter is all about celebration of New Life,” caption nito.

“Today, as we celebrate the Resurrection of our Lord Jesus Christ, we are also celebrating this gift of NEW LIFE inside me!” sabi pa ni Dianne.

Ani Dianne, anim na buwan na ang kanyang tiyan.

“We are immensely happy to announce that I’m 6 Months pregnant! [red heart emoji],” aniya. “We couldn’t be more thankful to our God for blessing us this baby on the way, and we thought it’s just fitting to share this with you all on Easter day.

“Please pray for us on this journey. Happy Easter! Thank you LORD! So happy!” hiling nito.

Ipinakita rin ni Dianne ang isang throwback picture sa unang pagbubuntis niya, kay Joaquin noong 2020, panganay nila ni Rodjun na nangyari rin noong Easter Sunday. 

Easter Sunday din ngayong taon inanunsyo ng mag-asawa ang ikalawang ipinagbubuntis.

Caption niya, “Thank you Almighty Father! All Glory and Honor is yours [folded hands, red heart emojis].”