HATAW! D'yaryo ng Bayan hatawtabloid.com
RATED R
ni Rommel Gonzales
ANAK ni Bingawan City (of Iloilo) Mayor Mark Palabrica ang newbie female singer na si Ysabelle Palabrica.
Paano maging anak ng isang mayor, tanong namin kay Ysabelle.
“Okay lang po,” ang simpleng sagot ni Ysabelle.
At taliwas sa inaakala ng iba, wala siyang anumang special treatment na natatanggap, ni wala siyang bodyguard sa school.
At lalong hindi siya spoiled at nae-enjoy naman niya ang pagiging teenager.
Pero dahil susubok si Ysabelle na maging singer, handa siya na kapag bongga na ang showbiz career niya ay mababawasan ang privacy bilang isang regular teen.
At kahit maging abala na siya as a singer, priority ni Ysabelle ang kanyang edukasyon kaysa pagiging singer o artista. Hindi niya pababayaan ang kanyang pag-aaral kahit maging abala na siya sa showbiz.
Ire-revive ni Ysabelle ang hit song ni Tootsie Guevarra na Kaba sa tulong ng mentor ni Ysabelle, ang music icon na si Vehnee Saturno.
Si Vehnee ang composer ng Kaba at marami pang hit and classic songs na tulad ng Be My Lady(Martin Nievera), Forever’s Not Enough (Sarah Geronimo), Sana Kahit Minsan (Ariel Rivera), Dahil Tanging Ikaw (Jaya), Till My Heartaches End (Ella May Saison), Bakit Pa (Jessa Zaragoza), at Kahit Konting Awa (Nora Aunor), among others.
Isa pa sa mga proyekto ni Ysabelle ay ang Youtube show Krazy-x You na para sa mga teen na katulad ni Ysabelle.
Ito ay sa direksiyon ni Obette Serrano at concept ng manager ni Ysabelle na si Audie See.
