Thea Tolentino hindi na 3rd party

RATED R
ni Rommel Gonzales

“FOR a change hindi ako third party,” ang natatawang kuwento ni Thea Tolentino tungkol sa bago niyang pelikulang Take Me To Banaue. “For a change.

“Pero ‘yung characters namin ni Maureen is hindi nagtagpo rito. Pero ‘yung characters namin ni Brandon nagtagpo and may scene na pinag-uusapan namin si Maureen and that’s how I know her lang thru the entire movie, ganoon lang.

“Pero rito sa movie na ito kakaiba kaysa mga ginawa kong roles kasi usually kontrabida ‘yung roles ko, at saka very serious ‘yung roles ko rito sa pelikula. I explored the comedic side of acting naman.”

Gumaganap si Thea sa movie bilang si Jinky na bida rin sina Brandon Melo (Hank), isang Amerikanong aktor at Maureen Wroblewitz (Grace). Kasama rin sina Boobay, MJ Lastimosa, at another American actor na si Dylan Rogers.

“Sobrang thankful ako for this opportunity kasi it’s really something new na iyon nga, pumunta sa ibang bansa and ngayon na makikita ‘to ng mga Filipino rito sa Pilipinas, sobrang nakakakaba pero at the same time sobrang nakakataba ng puso.”

Unang proyekto rin ito ni Thea na may mga kasamang American actors tulad nga nina Brandon at Dylan.

“Yes po, it’s my first.”

Kumusta?

“Sobrang nakakakaba,” unang bulalas ni Thea. “Noong una kasi iniisip ko na baka different ‘yung styles ng acting when it comes sa US at saka rito sa Pilipinas, pero parang parehas lang naman pala.

“And I’m very blessed to be part of this film kasi ‘yung lahat ng kasama kong artista rito they’re very kind, talagang approachable, wala kang mapi-feel na pressure, talagang nag-e-enjoy lang sa set, and that is important para magawa ko ng maayos ‘yung trabaho ko.”

Mapapanood ang pelikul via streaming sa www.takemetobanauefilm.com. Ito ay isinulat nina Jason Rogers at Danny Aguilar (na siya ring direktor ng pelikula) at line-produced naman ni Monch Bravante, mula sa Carpe Diem Pictures.