HATAW! D'yaryo ng Bayan hatawtabloid.com
CAPAS, TARLAC — Umakyat ang Japan sa ikaanim na sunod na panalo nitong Sabado para angkinin ang gintong medalya sa 11th Asian Age Group Championships women’s water polo competition sa New Clark City Aquatic Center dito.
Si Skipper Shoka Fukuda ay naghatid ng nine goals habang si Kaho Shironoshita ay nagdagdag ng anim sa 24-6 panalo ng Japan laban sa Uzbekistan.
“I am very happy now. Thank you to all the teams which played against us,” sabi ni coach Tsubasa Mori, miyembro ng pambansang koponan mula 2012 hanggang 2016. Nakipagkompetensiya siya sa 2015 World Aquatics Championships sa Kazan, Russia.
Nakuha ng Thailand ang silver medal, tinalo ang Kazakhstan, 15-11, para sa ikalimang panalo laban sa isang talo.
Kinuha ng China ang bronze medal na may 4-2 kartada matapos mabunot ang 21-4 tagumpay laban sa Singapore.
Ang Kazakhstan ay pang-apat sa 3-3 na sinundan ng Uzbekistan at Singapore na may magkaparehong 1-4 slate, at Sri Lanka (0-6).
