Lumabag sa dress code  
MAGKAANGKAS SA MOTOR, HULI SA SHABU

KULONG ang dalawang lalaki matapos makuhanan ng shabu makaraang masita ng mga pulis dahil sa paglabag sa motorcycle dress code habang magkaangkas sa isang motorsiklo sa Caloocan City, kamakalawa ng gabi.

Kinilala ang mga suspek na sina alyas ‘Turo’, 38 anyos na isang scavenger, residente ng Tondo, Manila at Kid, 25 anyos, assistant chef ng Baesa, Quezon City.

Sa nakarating na ulat kay Caloocan City  police chief P/Col. Ruben Lacuesta,

dakong 9:40 ng gabi,

habang nagsasagawa ng Oplan Sita ang mga tauhan ng Caloocan Police Sub-Station 2 sa kahabaan ng Bustamante St., Brgy., 86 nang parahin nila ang mga suspek na sakay isang motorsiklo dahil sa paglabag sa motorcycle dress code,

Sa halip na huminto, pinaharurot pa ng mga suspek ang sinasakyan nilang motorsiklo kaya hinabol sila ng mga pulis hanggang sa makorner at dito natuklasan na walang driver license ang nagmamaneho nito.

Nang kapkapan, nakumpiska ng mga pulis sa mga suspek ang dalawang plastic sachets na naglalaman ng nasa 5.1 grams ng hinihinalang shabu na nagkakahalaga ng P34,680.

Mahaharap sa kasong paglabag sa Dress Code for Motorcycles and driving without license, Art 151 at RA 9165 o Comprehensive Dangerous Drug Act of 2002. (ROMMEL SALES)