HATAW! D'yaryo ng Bayan hatawtabloid.com
ni Allan Sancon
UNTI-UNTI na talagang gumagawa ng sariling pangalan sa showboz industry ang 18 years old Starmagic artist, Beaver Magtalas.
Naging main cast member si Beaver ng Facebook series na Roommate at Genius Teens. Ngayon ay bibida si Beaver bilang si Ernesto “Ernest” Buenaventura sa bagong pelikula ni Direk Gabby Ramos, ang When Magic Hurts, kasama sina Mutya Orquia bilang Olivia Grace Melchor at Maxine Trinidadbilang Trixie Callejo.
Isa itong romantic comedy /drama tungkol sa mga teenager na parehomg may pinagdaraanan sa buhay na nagkatagpo at na-inlove sa isa’t isa.
Ipakikita ang ganda ng Atok, Benquet na roon kinunan ang pelikula. Ikinuwento ng mga cast member at director ang hirap ng kanilang pinagdaanan dahil sa lamig ng lugar at may pagkakataon pang binagyo ang kanilang set.
Dream come true para kina Beaver at Mutya na magkasama sa isang pelikula dahil matagal na palang magtropa ang dalawa. Sabay na nag-acting workshop ang dalawa sa Starmagic at doon nagsimula ang kanilang pagkakaibigan at closeness.
Sinasabing sina Beaver at Mutya ang susunod na Rico Yan at Claudine Barretto ng kanilang henerasyon dahil sa chemistry na ipinakita ng dalawa sa pelikula.
Makakasama rin sa pelikula sina Angelica Jones, Julian Roxas, Alvin Calleja, Mohaira Sanama, Pantene Palanca, Aileen Papin, Denna Bautista, Cassie Kim, Bluemark Roses, Dennis Padilla, atClaudine Barretto.
Malapit nang ipalabas sa mga sinehan ang When Magic Hurts.
