Sparkle artists hataw ngayong Pebrero

RATED R
ni Rommel Gonzales

SA big screen naman nagpapamalas ng galing sa pag-arte ang mga Sparkle artist na sina Thea Tolentino, Glaiza De Castro, Pokwang, at Kelvin Miranda.

Switch muna sa pagpapatawa si Thea sa romantic comedy film na Take Me to Banaue ng Carpe Diem Pictures na ipinalabas na sa mga sinehan noong February 12.

Samantala, bibida ang award-winning actresses na sina Pokwang at Glaiza sa latest suspense action film na Slay Zone mula sa batikang direktor na si Louie Ignacio. Ito ay inabangan ng viewers noong February 14.

Hindi naman nagpahuli si Kelvin na muling makakasama si Beauty Gonzales sa After All ni Direk Adolfo Alix Jr. na dapat abangan ng netizens sa February 28.

Habol na sa mga sinehan at panoorin ang mga pelikulang pinagbibidahan ng mga multi-talented at versatile Sparkle artists.