Pelikula ng GMA tuloy ang international screenings

RATED R
ni Rommel Gonzales

TRULY unstoppable ang Firefly fever dahil ang award-winning film ng GMA Network ay may international screening mula February 16 hanggang 22 sa iba’t ibang lugar sa United States.

Matapos tanghalin bilang big winner ng Manila International Film Festival noong February 3 sa Hollywood, patuloy pa rin ang pagpapalabas ng pelikulang produced ng GMA Pictures at GMA Public Affairs sa mga sinehan sa California.

Kabilang dito ang mga sinehan sa Ontario (Ontario Palace Cinema), San Diego (Mira Mesa, Reading Town Square),  Carson (Cinemark Carson), Elk Grove (Elk Grove Laguna), Cerritos (Cerritos STM), West Covina (West Covina STM), Vallejo (Vallejo 14), San Bruno (Century Tanforan), Union City (Union City 25), at Milpitas (Milpitas Great Mall).

Bukod sa California, mapapanood din ang pelikula sa iba pang US states tulad ng Las Vegas (Century Orleans Cinema), Portland (Eastport Plaza), Guam (Guam Megaplex), Houston (Gulf Pointe), Richmond (Cinemark Longmeadow), Olympia (Century Capital Mall), Aiea (Consolidated Theatres Pearlridge), Kapolei (Consolidated Theatres Kapolei), at Northern Mariana Islands (Saipan Megaplex).

Inuwi ng pelikula ang mga award na Best Picture, Best Screenplay (Ms. Angeli Atienza), Best Director (Direk Zig Dulay), at Best Supporting Actress (Ms. Alessandra de Rossi) noong MIFF sa Hollywood, habang Best Picture, Best Screenplay, at Best Child Actor (Euwenn Mikael) naman ang napanalunan sa Pilipinas noong Metro Manila Film Festival 2023. 

Dasurv na dasurv nga ng pelikula ang mga papuri at award. Kaya naman ang ibang Pinoy, humihiling na maipalabas ito sa mas marami pang bansa.