HATAW! D'yaryo ng Bayan hatawtabloid.com
MATABIL
ni John Fontanilla
UNFORGETTABLE para kay Teejay Marquez ang nauna niyang relasyon sa babaeng minahal niya dahil naging bulag-bulagan at dumating pa sa puntong ipinagpalit ang pamilya.
Ani Teejay nang mag-guest sa show ni Kuya Boy Abunda (Fast Talk), nang pinagbawalan sila ng pamilya ng babae na magkita, napilitan siyang magtago sa trunk ng isang taxi para lang makapasok sa village na tinitirhan ng babae.
At kahit ayaw ng pamilya ng babae sa relasyon nila ay ipinagpatuloy nila ito at ipinaglaban pero ang kanilang masalimuot na relasyon ay nauwi rin sa hiwalayan.
Sa ngayon ay pahinga muna sa Teejay sa pag-ibig at mas binibigyang focus ang gumagandang career dito sa Pilipinas. Bukod kasi sa mga pelikulang ginagawa, regular din itong napapanood gabi-gabi sa Makiling ng GMA 7 at abala rin ito sa mga mall at provincial shows.
Isa pa nga sa pinagkakaabalahan nito ang kanyang matagumpay na negosyo, ang Good Skin (Serum and Soap).
