HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SA hiwalayang Bea Alonzo at Dominic Roque, lumalabas na tila ang huli ang higit na may problema. Siya itong mas nagiging nega sa madla at dahil bigger star si Bea at babae, napupunta ang simpatiya ng majority.
Medyo nakakaloka lang ‘yung tsika na pina-imbestigahan umano ng pamilya ni Bea si Dom. At doon nga nabuking na nakatira umano ito sa isang bongga at pang-mayamang condo na nakapangalan sa isang kontrobersiyal na politiko.
One plus one leads to another at napatanong nga raw ang lahat sa kung saan nga ba raw kumukuha ng pera at trabaho si Dom na nakakapag-buhay hari gayung hindi naman daw ito ganoon ka-active sa showbiz at wala ngang nakaka-alam ng mga businesses nito?
Sa latest socmed post ng aktor, nakiusap ito sa netizens na itigil na ang bashing at ipinagtanggol pa si Bea.
Sinabi pa nitong baka raw sa ibang lifetime ay puwede pa sila kaya’t nag-conclude na nga ang lahat, na imposible na silang magbalikan.
Sa kabilang dako, may mga report namang nagsasabi na handang magpatawad si Bea at tanggapin muli si Dom.
Luh, kuwentong teleserye ba ito o pelikula?
