HATAW! D'yaryo ng Bayan hatawtabloid.com
MAY bagong venture na pinasok ang sikat na content creator na si Gavin Capinpin (na mas kilala bilang si Ser Geybin) at ito ay ang CreaTV Management Inc. na isa siya sa mga nagmamay-ari at naka-assign bilang CMO o Chief Marketing Officer.
Lahad ni Gavin, “Ginawa po ang CreaTV Management para po makatulong sa bawat isa, win-win situation parati and also nakita ko rin po kasi na oo nga po parang wala pang ganito na nangyayari.
“Sobrang saya ko lang po dahil naging part po ako ng umpisa and sa pagtaas po nating lahat sana magkakasama pa rin po tayong lahat and sana mas madagdagan po tayong lahat.”
Ang CreaTV Management Inc. na isang influencer management company ay naglalayong ikonek ang mga talentadong content creators (vloggers, bloggers, Youtubers at iba pa) at influencers sa mga brand at mga businesses o negosyo.
Nag-aalok din ang CreaTV Management Inc. ng social media management at troubleshooting services sa mga content creator at influencer.
Ang dalawa pang partners ni Gavin (na may 8.6 million Facebook followers, 7.7 million Tiktok followers, at 3.61 million Youtube subscribers) sa CreaTV Management Inc. ay ang negosyanteng si Edmar Estavillo at ang sikat na vlogger na si Norvin dela Peña na kilala bilang si Vin FPV na may 9 million Facebook followers, 1.9 million Tiktok followers, at 1.08 million Youtube subscribers.
Si Norvin naman ang tumatayong COO o Chief Operating Officer ng kompanya.
Mga sikat ding content creators ang mga nakababatang kapatid ni Gavin na sina Allen (Chief Allen) at Kelzy Capinpin (Capt. Kelzy), maging ang ina nilang si Beth Capinpin (Mama Beth).
