Monday , April 28 2025
Bulacan Police PNP

8 tulak, 7 wanted isinelda sa Bulacan

Arestado ang walong hinihinalang tulak ng ilegal na droga at pitong pinaghahanap ng batas sa serye ng mga operasyon laban sa kriminilad na ikinasa ng mga awtoridad sa lalawigan ng Bulacan hanggang nitong Martes ng umaga, 30 Enero.

Ayon sa ulat na isinumite kay P/Col. Relly Arnedo, Provincial Director ng Bulacan PPO, nasakote ang walong hinihinalang tulak sa serye ng buybust operation na ikinasa ng mga tauhan ng Station Drug Enforcement Unit (SDEU) ng Baliwag, San Miguel, Marilao, at Guiguinto C/MPS.

Nakumpiska sa operasyon ang kabuuang 15 plastic sachet ng hinihinalang shabu na tinatayang nagkakahalaga ng P38,840 at buybust money.

Dinala sa Bulacan Provincial Forensic Unit (PFU) ang mga nakumpiskang ebidensiya para sa kaukulang pagsusuri habang inihahanda ang mga kasong paglabag sa RA 9165 o Comprehensive Dangerous Drugs Act of 2002 na isasampa laban sa mga suspek sa korte.

Samantala, nadakip din ng tracker teams ng Meycauayan, Pandi, Balagtas, at San Rafael C/MPS, at Bulacan 2nd Provincial Mobile Force Company, kasama ang 301st MC RMFB 3, ang pito kataong pinaghahanap ng batas.

Inaresto ang mga suspek para sa mga kasong Qualified Theft, iba pang uri ng panlilinlang, pagnanakaw, at paglabag sa RA 9262.

Kasalukuyang nasa kustoduya ng kani-kanilang mga arresting unit/station ang mga suspek para sa kaukulang disposisyon at dokumentasyon. (MICKA BAUTISTA)

About Micka Bautista

Check Also

Vote Buying

Isko Moreno, pinagpapaliwanag ng Comelec sa pagbili ng mga boto

SINITA ng Commission on Elections (Comelec) si mayoral bet Isko Moreno kaugnay ng vote-buying o …

DOST Region 02 Secures Licensing for Three Technologies at 2025 North Luzon Tech Transfer Summit

Region 02 Secures Licensing for Three Technologies at 2025 North Luzon Tech Transfer Summit

Baguio City — The Department of Science and Technology (DOST) Region 02 further strengthened its …

Tondo Fire

Sa Maynila
2 mataong residential areas nilamon ng higanteng sunog

TINUPOK ng dalawang malaking sunog ang dalawang residential area sa Tondo at Port Area, sa …

Arrest Posas Handcuff

Sa Marilao, Bulacan
Wanted na rapist timbog

NADAKIP sa pinaigting na manhunt operations ng Bulacan PPO ang isang lalaking nakatala bilang No. …

Anglees Pampanga PNP Police

P.2-M pabuya sa makapagtuturo sa pumatay sa turistang Koreano

NAG-ALOK ang Korean Association Community of Angeles City ng P200,000 pabuya sa sino mang makapagbibigay …