Serye ni Ruru tinatalo na ang kay Coco

RUMOY-TULOY ang pag-arangkada sa primetime ng serye ni Ruru Madrid na Black Rider. Nitong Miyerkoles ay naungusan ng tuluyan ang katapat na palabas. Nagtala ito ng people rating na 12.5 percent sa National Urban TV Audience Measurement overnight ratings nitong January 24, habang 12.2 percent naman ang nakuha ng kalaban.

Buong-puso ang pasasalamat ni Ruru sa Panginoon sa bagong blessing na ito.

“Salamat, Ama! Tunay na walang imposible sa ‘yo! Pangako na patuloy kong pagbubutihin ang aking ginagawa nang makapagbigay ng magandang programa, saya, at inspirasyon sa bawat manonood,” saad ni Ruru sa kanyang social media post.

Pinasalamatan niya rin ang mga tao sa likod ng serte at sa mga loyal viewers nito. “Salamat po sa inyong lahat na patuloy na tumututok at nagmamahal. Asahan na mas lalo naming pagandahin ang aming programa para po sa inyo!”

Buhos din ang bumati sa programa at kay Ruru sa good news na ito. 

Say ng isang netizen, “Deserve naman talaga ang mataas na ratings meaning abay madami kaming natangkilik. Napaka husay ni Ruru pati lahat ng artista tsaka hindi umay ung storya! Congrats sa lahat ng bumubuo.’’

Mas marami pa ang dapat abangan sa mga susunod na gabi. Magiging kasangga na nga ba ni Señor Edgardo (Raymond Bagatsing) si Elias (Ruru)?