HATAW! D'yaryo ng Bayan hatawtabloid.com
HARD TALK
ni Pilar Mateo
KAPAG siya ang nag-message sa akin, sigurado importante. My dearest Mama Deborah Sun.
“Pilar, nak paabot mo ang pasasalamat ko kay Sen. Lito Lapid sa tulong na ipinadala niya sa akin. Kay Ara Mina na sobrang nag-aalala sa akin. Maya’t maya text ng text at tawag ng tawag kinakamusta ang kalagayan ko. And siyempre sobrang nagpapasalamat din ako kay Direk Coco Martin at ABS-CBN na hindi nila ako pinababayaan. Sagot nila lahat ang gastos dito sa ospital. Tawag nga rin ng tawag iyong field cashier ni Direk Coco at kinakamusta at kung ano raw kailangan, i-text or tawagab agad sila. Salamat talaga sa kanila—Sen.Lito, Ara Mina, Direk Coco Martin and ABS.”
Bakit siya nagpapasalamat?
“Naaksidente ako sa taping ng ‘Batang Quiapo.’ Nilagyan ng cast ang upper arm ko hanggan balikat. Iyon mukha bumagsak sa lapad na semento. Kaya maga mukha ko pikit mata ko. Para akong binugbog.
“Pero importante nagawa ko ng tama iyon sa eksena.
“Habang take nak. Habulan ang eksena. Barilan ang eksena, na out of balance ako, bumagsak ako padapa. Mukha ko ang unang tumama sa sahig na semento. Nang iharap ako pati pala balikat at braso hindi ko na maikilos.
“Isipin nak napasubsob ako talaga sa sahig sa lapad na semento bagsak talaga ako plakda.
“Aksidente naman iyon nak. Importante nagawa ko pa rin iyong dapat sa eksena.”
Kasalukuyang nagpapagamot sa Delos Santos Memorial Hospital ang beteranang aktres.
Sina Lorna Tolentino at Joey Marquez ang kasama niya sa eksena nang maganap ang aksidente.
Kaya mahaba-habang pamamahinga ang kailangan bago muli siyang makapag-trabaho.
Get well soon my Mama Deb!!!
