HATAW! D'yaryo ng Bayan hatawtabloid.com
MATABIL
ni John Fontanilla
NAPAKAHALAGA kay Barangay LSFM DJ, singer and composer Papa Obet ang nominasyong nakuha sa 14th Star Awards for Music dahil ito ang kauna-unahang nominasyong nakuha niya bilang singer.
Nominado si Papa Obet sa kategoryang Revival Recoding of the Year para sa awiting Ikaw Lang At Ako (GMA Music).
Makakalaban nito kategorya sina Iñigo Pascual – All Out Of Love – (Tarsier and Star Music), Ang Pag Ibig Kong Ito ni Rachel Alejandro (Star Music), Bakit Nga Ba Mahal Kita, Gigi De Lana (Star Music), Init Sa Magdamag ni Jona (Tarsier and Star Music), Paano ng InnerVoices| Vehnee (Saturno Music Corporation ), at Sabi Mo ni Sheryn Regis (Star Music).
Ayon kay Papa Obet, “sobrang espesyal ang nominasyon na nakuha ko sa PMPC’s 14th Star Awards for Music dahil this is my very first nomination in my music career.
“Before kasi bilang DJ sa radyo ang mga nominations ko. Siguro ako ‘yung taong hindi na naghahangad manalo kasi makasama ka lang sa nominasyon ay malaking bagay na.
“Sobrang pasasalamat sa lahat ng PMPC officers for including me in your lists of nominees.
“At napaka-espesyal sa akin nito dahil habang buhay ko itong maaalala bilang kauna-unahang award giving body na nakapansin sa talento ko.
“Bata pa lang ako naririnig ko na ang award nito, hindi ko lubos maisip na mapapasama pala ako rito. Mas lalo akong ginaganahan na gumawa pa ng mga kanta para sa akin at para sa iba.
“Hindi man tayo gaanong kalaki ang pangalan sa industriyang ito pero para sa akin nakakapag-bahagi na ako sa OPM at masasabi kong successful ako dahil masaya ako sa ginagawa ko at nahigitan pa nito ang simpleng pangarap ko. Kaya maraming-maraming salamat sa PMPC’s Star Awards for Music sa pagkilalang ito,” pagtatapos ni Papa Obet.
