Marion Aunor, patuloy sa paghataw sa musika at pelikula

ALAM MO NA!
ni Nonie Nicasio

PATULOY sa paghataw ang showbiz career ng talented artist na si Marion Aunor.

Sa gaganaping 15th Star Awards for Music ng Philippine Movie Press Club (PMPC) ay nakakuha ng 2 dalawang nominasyon si Marion. Namely, Revival Recording of the Year para sa Nosi Balasi from Viva Records and Wild Dream Records at sa Female R&B Artist of the Year for Traydor Na Pag-ibig mula Viva Records.

Ang dalawang kanta ay bahagi ng original soundtrack ng blockbuster movie na Maid In Malacañang ni Direk Darryl Yap.

Nagpasalamat si Marion sa kanyang nominations, “Grateful po ako to PMPC for the recognition. Salamat po sa PMPC and friends namin from the media sa patuloy ninyong pag-support sa amin ni Ash. Naa-appreciate po talaga namin yun. Sana po ‘di kayo magsawa sa pag-support sa amin at sa music/projects namin.”

Ano ang masasabi niya sa songs na ito? “Iyong Nosi Balasi ay kay Sampaguita, cover po for the movie Maid in Malacañang, gumawa po kami ni Ashley ng orchestral version.

“Iyong Traydor na Pag-ibig, original song ko naman po na isinulat for the movie. Medyo may pagka vintage yung tunog. Aside from the movie, puwede rin naman po ito para sa mga patuloy na umiibig kahit masakit, Hahaha!”

Nabanggit din ng talented na singer/songwriter ang latest sa kanya.

Aniya, “May inilabas po akong bagong single called “Nahulog”. May lyric video na rin po at music video ito sa Wild Dream Records Youtube Channel. Featured din po sa music video si Marco Gallo.

“Vintage sounding love song po yung Nahulog. Puwede pong pang-slow dance, pang-wedding or pang-propose yung song. About finding the one or finding the love of your life.”

May bagong movie siya ngayon? “Yes po, part ako ng movie ni direk Jason Paul Laxamana called “A Glimpse of Forever”. I think lalabas na po yung movie this January. Kasama po sa cast sila Jasmine Curtis Smith, Jerome Ponce, and Diego Loyzaga.

“Ang name ko po rito sa movie is Frida. Nagwo-work po yung character ko sa company kung saan magwo-work yung character ni Jerome. May drama and romance po na mapapanood sa movie,” kuwento pa ng singer/actress.

Ano pa ang wish niyang mangyari sa kanyang career? “Sana tuloy-tuloy lang po yung opportunities in both music and movies,” nakangiting sambit pa ni Marion.