Jasmine inamin 8 taon nang nakikipag-live-in sa non-showbiz BF

PUSH NA’YAN
ni Ambet Nabus

NAPAKA-HONEST ni Jasmine Curtis-Smith sa pag-aming nagli-live-in na sila ng kanyang almost eight years non-showbiz BF.

“It’s an organic kind of living-in. And both our families knew and approved of it naman,” sey ni Jasmine nang makapanayam namin ito kamakailan.

Although sa kasalan pa din naman mauuwi ang lahat, sinabi ng aktres na kapwa nila nae-enjoy ang nasabing set-up.

Sa latest series niya sa GMA 7 na Asawa ng Asawa Ko, big challenge kay Jasmine ang role na nagkaroon ng dalawang asawa. Bunga ng isang tunay na pagmamahalan ang isa (with Rayver Cruz) at nang dahil sa isang maaksiyong pakikibaka naman ang nangyari sa pangalawa (with Joem Bascon).

“Iba ang kuwento, iba ang atake. Magagaling pa ang mga kasamahan ko plus our director (Laurice Guillen), wow. Nakaka-pressure talaga lalo pam-primetime ito,” susog pa ni Jasmine.

At dahil isang may anak na ina ang role niya sa series, masaya si Jasmine sa pagmamalaking nang dahil sa mga kaibigan niya at kapatid na may mga anak na, kaya hindi na siya ganoon nahirapan mag-portray.

“I saw and experienced the way their nurture and love their children. Medyo naging hands on na rin for me ang mag-alaga ng mga bata. I just thank my friends and ate for letting me experience being a mother to their kids,” paliwanag pa ni Jasmine.

Magsisimula na ngayong January 15 sa GMA 7 primetime ang serye.