HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ALIW at walang kaarte-arteng sinagot ni Xyriel Manabat na G siyang makipaghalikan sa kapwa babae.
Sinabi niya ito nang makapanayam namin sa finale presscon ng Senior High.
Natanong kasi ang dalaga kung G ba siyang gumawa ng GL (Girls’ Love) movie o series. At agad naman niyang sinabi na ok sa kanya.
“Feel ko, kung tatanungin ako, sa on-screen kissing scene, gusto ko talaga sa babae. Kasi, feeling ko, mas komportable ako ‘pag ganoon,” paliwanag ni Xyriel. “Feeling ko, mas walang ilangan, less issue, less hassle,” giit pa niya.
Si Andrea Brillantes ang gusto niyang makatrabaho sa ganitong GL project?
Bestfriend pala kasi ni Xyriel si Andrea kaya ito ang sinabi niyang gustong makatrabaho sa ganitong project. At inamin ng dalaga na napag-uusapan nila ang ganitong klaseng project.
“Kinakantahan ko siya, tinitigan ko siya sa mata. Kinikilig naman siya sa akin. Ha-hahaha!”
“Pansin ko lang po kasi now, there’s a lot of BL series, pero hindi pa po masyadong marami sa GL.
“If ever lang naman po, I would be comfortable doing that scene with my best friend. And si Xyriel, magaling siyang actress. Marami po kaming makukuha sa isa’t isa,” sabi naman ni Andrea.
Huling dalawang linggo na ng Senior High, at mabubulgar na ang lahat ng mga sikreto tulad ng rebelasyon kung sino talaga ang killer sa kuwento.
Malakas talaga ang seryeng ito dahil tumabo ng 2 bilyong views sa TikTok ang inaabangang paglabas ng katotohanan sa pagpatay kay Luna (Andrea) sa inaabangang The Ender to Remember finale ng Senior High.
Pagkatapos ng matinding imbestigasyon, malalaman na rin sa wakas ni Sky (Andrea) mula kay Obet (Kyle Echarri) kung sino nga ba talaga ang pumatay sa kambal niyang si Luna.
Abangan din ang sunod-sunod na pasabog sa serye dahil tuluyan nang magwawala si Z (Daniela Stranner) sa Northford prom night dahil sa mga bangungot niya kay Luna.
Maglalabasan na rin ang lahat ng mga baho nina Harry at William (Baron Geisler at Mon Confiado) na maaaring magdulot ng mas malaking sigalot sa kani-kanilang pamilya.
Kaya tutok lang sa pgtatapos ng Senior High sa iba’t ibang platforms ng ABS-CBN.
