Robb inisnab offer ng DOM na bahay at lupa

RATED R
ni Rommel Gonzales

INAMIN ni Robb Guinto na naligawan na siya ng dirty old man o DOM.

“Ay opo, naligawan na po ako,” bulalas ni Robb.

“Kasi po siyempre lumaki ako sa social media eh, so marami rin talaga akong indecent proposals na natatanggap.”

Ano o magkano ang pinakamalaking in-offer sa kanya?

“Bahay at lupa,” ang tumatawang rebelasyon ni Robb.

Hindi niya kilala ang naturang lalaki.

“Hindi po, nag-DM [Instagram direct message] lang po.”

Hindi niya sineseryoso ang mga ganitong alok.

“Hindi naman po, hindi ko po sila sinasagot, at saka baka maging iba pa ‘yung dating ‘pag once na ni-reply-an ko, baka isipin pa na mukha akong pera,” at muling natawa ang Vivamax actress.

Wala naman siyang tinarayan sa mga ito.

“Wala naman po, ‘pag ano na lang siguro, ‘pag sobra na, iba-block ko po, para siyempre hindi na rin kami magka-ano ng conversation.”

Pero aminin natin, tempting ang bahay at lupa, so ano muna ang inisip ni Robb pagkatanggap ng naturang indecent proposal?

“Wala, kasi ang akin naman po kasi makukuha ko rin naman ‘yun someday, basta mag… talagang magtya-tiyaga at magpupursige ako sa ginagawa ko,” lahad pa ni Robb na nasa Araro ng Vivamax.

Ang iba pang mga kasama ni Robb sa four-part Vivamax series ay sina Matthew Francisco, Arah Alonzo, Dyessa Garcia, Jenn Rosa, Caira Lee, Vino Gonzales, Raffy Tejada, at Ronnie Lazaro.

Ito ay sa direksiyon ni Topel Lee.