HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SADYA namang kasumpa-sumpa at nakawawala ng respeto ang mga taong nagpakalat ng video niyong pagkamatay ni Ronaldo Valdez.
Siyempre ang paghihinalaan ng maraming tao ay ang hanay ng pulisya na nag-imbestiga at gumawa ng rescue operation sa bahay ng ating minamahal at tinitingalang movie/tv icon.
Balitang may sinibak na mga pulis tungkol sa usaping ito pero para sa amin ay hindi ito sapat lalo’t habambuhay na itong nasa social media at posibleng magdulot ng dagdag na kalungkutan sa mga naiwan ni Tito Ronaldo.
May nagpadala sa amin ng naturang video at grabe ang aming galit sa aming nasaksihan. Hindi namin ito nagawang tapusin at agad din namin itong binura.
Na-cremate na si tito Ronaldo last Monday at noong Wednesday nga ay lumipad patungong Japan sina Janno Gibbs at pamilya na nakaplano ang pag-spend nila ng Christmas holidays.
Basta kami, we will always cherish and remember and be proud of the great body of work and legacy na iniwan sa ating lahat ng isang de-kalibreng aktor, mabuting tao at masayahing nilalang na si Ronaldo Valdez, ang Lolo Sir ng bayan.
