HATAW! D'yaryo ng Bayan hatawtabloid.com
RATED R
ni Rommel Gonzales
DAHIL nahirapan sa pagbabalanse ng oras sa pag-aartista at pag-aaral ng kursong Law, nagdesisyon si Ysabel Ortega na ipagpaliban muna ang kanyang ambisyong maging abogada at ibinaling ang atensiyon sa pagnenegosyo.
Tiyempo namang nakilala ni Ysabel si Noreen Divina na may-ari, kasosyo ang mister na si Juncynth Divina, ng Nailandia spa and nail salon chain.
Mahilig kasi si Ysabel, katulad ng maraming babae (at lalaki) na magpalinis at magpaganda ng mga kamay at paa kaya ang madalas na pagpunta ni Ysabel sa Nailandia ay nauwi sa pagkakaroon niya ng sariling branch kasosyo sina Elle Villanueva at Sophia Señoron.
Sa ganitong paraan din naman naitayo ni Noreen ang Nailandia, sa hilig magpa-manicure/pedicure at foot spa. Biniro siya ni Juncynth na magtayo ng sariling nail salon, and the rest is history. Nagkalat na sa buong Pilipinas ang branches ng Nailandia.
Going back to Ysabel, bukod sa Nailandia, may bakeshop na rin ang batang aktres kasosyo naman ang inang si Michelle Ortega.
At bilang aktres, kasama si Ysabel sa Firefly na sa ngayon ay isa sa nakatatanggap ng positive reviews among the Metro Manila Film Festival entries this December 25.
Kahit sinong makausap namin na napanood na ang pelikula sa special premiere nito ay nagkakaisa sa pagsasabing maganda ng pelikula at napakahusay ng mga bidang sina Alessandra de Rossi at child actor Euwenn Mikaell. Sa direksiyon ni Zig Dulay.
