HATAW! D'yaryo ng Bayan hatawtabloid.com
PUSH NA’YAN
ni Ambet Nabus
BUKAS December 21, 4:00 p.m. ay magbebenta naman ng tickets sina Vilma Santos at Christopher de Leon kasama ang cast ng When I Met You in Tokyo.
Lahat ng may Metro Manila Film Festival (MMFF) entries ay binigyan ng pagkakataon na mag-advance ticket selling gaya ng ginawa na dati nina Kathryn Bernardo sa A Very Good Girl o Alden Richards-Julia Montes sa Five Breakups and a Romance.
Naka-iskedyul din sina l Sharon Cuneta at Alden uli, plus ang iba pang may entry.
Excited ang ating dearest idol-friend kumare dahil first time rin niya itong gagawin sa loob ng anim na dekadang nag-re-reyna siya sa showbiz.
Sa sipag nga ni Ate Vi ay nagkasakit na ito pero nitong medyo umo-okey na siya, muli siyang mag-iikot sa mga sinehan for this.
Maganda itong pagkakataon para sa pagsisikap ng lahat na maibalik nga ang mga pila ng tao sa mga sinehan.
Kaya naman ang mga kapwa Vilmates at Vilmanians ay nagkaisang magpakitang puwersa muli though mayroon na silang mga naorganisang block screenings come Dec. 25-26 and 27 sa iba’t ibang mga sinehan sa Metro Manila plus nearby provinces.
Tara na mga Gen Z at Vilmates-Vilmanians!
