HATAW! D'yaryo ng Bayan hatawtabloid.com
ni Allan Sancon
BONGGA talaga ang blessings ng mag-asawang sina Dingdong Dantes at Marian Rivera ngayong December 2023 dahil bukod sa kasali ang kanilang pelikula sa Metro Manila Film Festival ngayong taon ay sila ang napiling 1st Brand Ambassadors ng NWOW Philippines kasama ang kanilang bunsong anak na si Sixto Dantes.
Ang NWOW Philippines ay ang kompanya na gumagawa ng mga dekalidad at magagandang klase ng electronic bike (e-bike) sa Pilipinas. Layunin ng kompanya na maka-provide ng mga makabagong energy electronic vehicles sa bansa.
Natuwa naman ang pamilya Dantes, lalo na sina Marian at Dingdong na sila ang napili ng NWOW Philippines na mag-endoso ng kanilang mga e-bike. Proud sila sa kanilang anak na si Sixto na kasama nila bilang endorser.
Ito ang paraan nila para mas lalong magkaroon ng bonding ang kanilang pamilya sa pamamagitan ng pagsakay sa e-bike kasama ang kanilang dalawang anak na sina Xia at Sixto. Tiyak matutuwa ang dalawang bata sa pagsakay sa NWOW E-Bike dahil sa ganda nito at very safe namang sakyan ng mga bata.
Maging si Marian ay kayang i-drive ang e-bike na ito dahil sa pagiging users-friendly nito.
Bago matapos ang press conference ay may paalala si Dingdong sa lahat na maging safe sa pagda-drive ng e-bike lalko na kung kasama ang kanilang pamilya.
