HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PASOK ang kasabihang kapag may tiyaga, may nilaga para kay Jabo Allstar. Matagal din kasi siyang naghintay sa pagdating ng magandang kapalaran sa kanya sa mundo ng showbiz, at ngayon ay dumating na ito.
Natatawang nabanggit nga niya na ang bansag sa kanya noon ay ang Pinakamagaling na Extra sa Buong Pilipinas.
Pero ngayon, bukod sa ganap na contract artist na siya sa Viva ay may mga regular shows na rin si Jabo.
Kabilang dito ang Cayetano in Action with Boy Abunda na napapanood every Saturday sa GTV and sa GMA-7 tuwing Sunday sa anap na 11:00 PM.
Si Jabo ay bahagi rin ng sitcom na Pepito Manaloto na pinagbibidahan nina Michael V. at Manilyn Reynes. Ito ay napapanood naman every Saturday, 7pm, sa Kapuso Network.
Nabanggit niya kung kailan at paano naging bahagi ng Pepito Manaloto.
Aniya, “Nakasali ako sa Pepito Manaloto noong June lang, I think… as guard po yung role ko. Guard po sa office ni kuya Bitoy, kaya ayun po, kapag may mga kaguluhan na role, pumapasok po ako lagi, hehehe.”
“Bale, tinawagan lang po ako ng taga-GMA-7 po para po sa role ko rito,” dagdag na esplika pa ni Jabo.
Nasabi rin niya kung ano ang pumasok sa isip niya nang naging part ng show ni Michael V.
Nakangiting sambit ni Jabo, “Siyempre po big blessing po sa akin iyon, lalo na at work po yun and siyempre po big blessing po na maka-work si kuya Bitoy and other casts, like sila Jhake Vargas… Plus, ang babait kasi ng prod, sobra po. Kaya sobrang masaya talaga ako.”
Diretsahan din niyang sinabi na idol niya si Bitoy kaya ibang klaseng saya nang napasali siya sa show nito.
“Si kuya Bitoy po idol ko po talaga, ang galing po kasi niyang magpakuwela at mang-impersonate. Sobrang taas ng sense of humor niya, ang galing magpatawa, talagang matatawa ka roon. Isang galaw pa lang kapag nagpatawa siya, iba po talaga.
“Kaya super-idol ko po si Kuya Bitoy and salute kay kuya Bitoy, boss Bitoy… iba talaga ang husay po niya sa comedy,” masayang sambit pa ni Jabo.
Saan niya gustong malinyang genre o role?
“Siyempre po gusto ko talaga ay comedy-hosts, ganoon po, katulad ni Vice Ganda. Actually di ko po akalain talaga na parang nagiging hosts din po ako. Talagang… iyong hindi mo aakalain na role, iyon pala ang gagampanan mo at yun ang pagho-host po.”
Ano ba ang kanyang dream role talaga?
Pahayag niya, “Ang dream role ko po ung maka-love triangle ko sina Kathryn (Bernardo) and Nadine (Lustre)…
“Iyon pong tipong pinag-aagawan nila ako na sa tingin nila ang guwapo guwapo ko… Ganoon po ung dream ko talaga, kagaya ng kay Andrew E, po. Na puro magaganda ang leading lady niya, iyon po talaga ang dream role ko po,” sambit pa niya.
