Kimson Tan inalok P1-M ng isang bading para sa isang dinner date

RATED R
ni Rommel Gonzales

GUWAPO, makinis, matangkad, at hunky ang Sparkle male star na si Kimson Tan. Kaya naman hindi maiwasan na pagnasaan siya ng mga bading, na kaakibat ay ang mga indecent proposals.

At sa tanong namin kay Kimson kung ano ang inialok sa kanya ng isang bakla na medyo na-shock siya.

“One million for dinner,” bulalas ni Kimson.

Hindi raw niya kilala ang bading na nag-offer sa kanya sa pamamagitan ng direct messaging sa Instagram. Hindi sinagot ni Kimson ang naturang mensahe.

Baka siya ang gustong gawing “dinner” ng naturang bading?

“That I don’t know,” pakli ni Kimson. “Pero ako kasi personally, I don’t reply to messages na ganoon, kasi siyempre mahirap na po eh.

“And ako naman personally, sabi ko nga, as long as hindi nako-cross ‘yung respect, ‘yung boundaries, kahit… you know, people commenting every time I post beach pictures, ganoon, sabi ko wala naman sa akin ‘yun.”

May shirtless photos si Kimson sa kanyang IG account.

Sa mga ganoong sitwasyon na P1-M ang alok sa kanya, offended ba siya o flattered?

“I don’t feel flattered but I don’t feel offended also.

“Kasi it’s their way eh, it’s their life, and I can’t… sa akin naman, wala akong… buhay kasi nila ‘yun eh, and I have to respect them.”

Pero hindi ba flattering ‘yung P1-M para lang maka-dinner siya?

“Siguro happy kasi naa-appreciate ako ng ibang tao, ganoon po.”

Si Kimson sa Lovers/Liars ay si Kelvin Chong na isang bayarang lalaki.

Bida si Claudine Barretto bilang Via Laurente  at nasa cast din sina Shaira Diaz bilang Nika Aquino, Lianne Valentin bilang Hannah Salalac; Christian Vasquez bilang Victor Tamayo; Michelle Vito bilang Andrea Segreto; at Yasser Marta bilang Caloy.

Sa direksiyon ni Crisanto Aquino, napapanood ito sa GMA Telebabad at sa mga nasa abroad, sa GMA Pinoy TV.