Michelle wish mapasali sa Avengers at malinya sa mga aksiyon

PUSH NA’YAN
ni Ambet Nabus

SA naging homecoming event ng Sparkle at GMA 7 kay Michelle Dee, sinabi ng ating naging pambato sa Miss Universe na dream nga niyang mapasali sana sa Avengers movie ng Walt Disney.

Tipong pang-aksiyon talaga ang nais na linyahan ni Michelle in terms of her acting career at dahil sa mga kakaiba ngang pagbibigay halaga sa mga babaeng bida sa Avengers, sey nito, “please, sana po matulungan ninyo ako. Ipaalam natin sa Walt Disney at ‘Avengers’production.”

Dahil sa tinamasang popularidad ni Michelle worldwide after her Miss Universe stint, mukhang hindi naman ito malayong mangyari.

Kung napansin siya ng world media at mga kilalang celebrities dahil sa ganda at husay niya bakit nga naman ang hindi siya mapansin ng Walt Disney?

Kaya mga ka-Hataw, i-manifest na iyan!