Marissa aarte na lang, ayaw nang kumanta

PUSH NA’YAN
ni Ambet Nabus

MAGAGANAP sa December 8 sa Samsung Hall ng SM Aura ang sinasabing retirement concert ng kilalang singer-comedian-actress na si Marissa Sanchez.

Nang batiin naming pumayat ito dahil sa paghahanda sa concert, sinabi nitong tinanggal na niya ang “rice” sa kanyang diet.

“Gaano katagal ka nang hindi nag-ra-rice?,” balik-tanong namin. “Mga two weeks na,” seryoso nitong sagot.

Ganyan nga po ka-natural ang isang Marissa na makikipag-kulitan at slight na harutan sa kanyang mga bago at lumang boyfriends na makakasama sa show gaya nina Ronnie Liang, Jeffrey Hidalgo, Wilbert Ross, JM de Guzman, at Dingdong Avanzado.

May special portion din dito si mama Ogie Diaz na ikinagulat nga ni Marissa ang husay nitong kumanta.

Retirement show na nga niya ito dahil mas nais niyang mag-focus bilang isang artista. Nagkaka-edad na raw ang boses niya plus seryosong nag-tone down na ang pagka-balahura niya dahil bukod sa nagda-dalaga na ang kanyang anak ay naiba na ang ilang prinsipyo niya sa relihiyon at moralidad.

‘Yun oh!