HATAW! D'yaryo ng Bayan hatawtabloid.com
RATED R
ni Rommel Gonzales
HINDI na itutuloy ni Beauty Gonzales ang plano niyang mag-quit sa showbiz.
Dati kasi, sa isang interbyu ay nabanggit ni Beauty na iniisip na niyang huminto sa pag-aartista.
“Yeah na-erase na,” umpisang paglilinaw ni Beauty. “Kasi there are times na pagod ka as an artist, ‘Ay laos na ako! Pagod na ako. Wala na akong maibibigay.’
“And then suddenly noong na-realize ko na, ‘What else am I gonna do?’
“This really makes me happy, I feel so blessed that everybody loves me also here and I’m blessed na my husband really made me realize na, ‘Tange! This is where you belong, you should continue doing this.’
“And I’m blessed na, ‘Tama ka naman.’
“And ngayon balik na ako sa normal,” ang nakangiting pakli ni Beauty.
Ang mister ni Beauty ay ang art curator na si Norman Crisologo.
Samantala, bida si Beauty sa Stolen Life bilang si Farrah, kasama sina Carla Abellana bilang si Lucy at Gabby Concepcion bilang si Darius.
Sa direksiyon ni Jerry Sineneng, nasa cast din sina Lovely Rivero bilang Belen, Divine Aucina bilang Joyce, Anjo Damiles bilang Vince, Juharra Asayo bilang Cheska, at si Miss Celia Rodriguez bilang Azon.
