Daniel at Kathryn may tensiyon daw nang magkita sa isang golf event

PUSH NA’YAN
ni Ambet Nabus

SA tumitinding isyu ng umano’y hiwalayang Kathryn Bernardo at Daniel Padilla, nagkaroon na pala ng chance na magkita ang dalawa.

Ang tsika, naganap ito sa isang golf event na kapwa sila dapat naroon. Nanggaling si Kathryn sa shoot ng Christmas ID station (mayroon pa??) ng Kapamilya Channel na hindi umano pinuntahan ni Daniel.

Naunang namataan si Daniel sa event hanggang sa dumating si Kathryn. 

Pinagpiyestahan siyempre ang kanilang pagtatagpo na makikita ngang nagsayaw pa ang dalawa.

Ang tsika nga lang, parang noong umpisa ay cold treatment o hindi gaya ng dating mainit ang pagkikita lalo na sa panig ni Kathryn.

At ‘yun ang sinasabing isa sa mga patunay na may isyu nga between the two at sa body language umano ni Kath, tila ito ang nagpapakitang “nasaktan” sa anuman.

Hay, ano nga ba?