Lotlot at Charlie, nagtagisan ng husay sa pelikulang Ang Ina Mo

ALAM MO NA!
ni Nonie Nicasio

NAGKAROON ng press preview kamakailan ang pelikulang Ang Ina Mo na tinatampukan nina Lotlot de Leon, Charlie Dizon, Jameson Blake, at Rico Barrera.

Kasama rin sa pelikula sina Krista Miller, Yda Manzano, Jim Pebanco, Dorothy Gilmore, Mark Dionisio, Paolo Rivero, Hazel Espinoza, Jay Garcia, at iba pa.

Dito’y nagtagisan ng husay sa pag-arte sina Lotlot at Charlie.

Magnanay ang dalawa sa pelikula at matagal nang biyuda si Lotlot na ang ikinabubuhay ay ang pagiging isang labandera. Samantala, graduating student naman si Charlie. Mahusay din ang ibinigay na support dito nina Jameson bilang BF ni Charlie, at Rico, na siguradong kaiinisan ng viewers sa papel na walang silbing lover ni Lotlot. 

Anyway, ang main conflict ng pelikula ay ang live-in ng nanay ni Charlie na si Rico, na bukod sa batugan ay may mga lihim na itinatago. 

Makikita sa pelikula ang kakaibang pagmamahal at sakripisyo ng isang ina sa kanyang anak, sa kabila ng kanyang kahinaan dahil muli siyang nagmahal matapos mabiyuda nang matagal.

Written by Eric Ramos and directed by Joel Lamangan, ang executive producer dito ay ang 4Blues Productions Incorporated in cooperation with LDG Productions ni Lito de Guzman.

Kabilang ang Ang Ina Mo sa mga pelikulang isinumite sa Metro Manila Film Festival 2023 at umaasa ang mga nasa likod ng nasabing pelikula na papalarin silang makapasok sa annual December filmfest.