Jessica Soho nakasama ang mga K-drama stars

RATED R
ni Rommel Gonzales

LUMIPAD ang Kapuso Mo, Jessica Soho sa South Korea para umattend sa Asia Contents Awards and Global OTT Awards sa Busan noong Linggo at dito nga ay na-meet ng host nitong si Jessica Soho ang ilan sa mga sikat ngayong K-drama stars.

Ang Kapuso Mo, Jessica Soho ay nominado sa Best Reality and Variety category para sa  Sugat ng Pangungulila. KMJS ang nag-iisang Filipino program na nominated sa nasabing category at lumaban sa six entries mula Korea at Vietnam.

Dito nakilala ni Jessica sina Lim Ji Yeon, na nagwaging Best Supporting Actress sa Netflix series na The Glorypati na sina Moving stars Ryu Seung Ryong at Lee Jung Ha, na nagwaging Best Lead Actor at Best Newcomer Actor. May picture rin sa red carpet si Jessica kasama ang Best Lead Actress na si Karishma Tanna mula sa series na Scoop at ang kapwa Pinoy na si Arjo Atayde na nominated naman as Best Lead Actor.

Sa dami na ng award na napanalunan ng KMJS at ni Jessica sa iba’t ibang bansa, patuloy pa rin ang blessings na natatanggap ng show at ng Kapuso broadcast journalist. 

Congratulations, KMJS at Jessica.