HATAW! D'yaryo ng Bayan hatawtabloid.com
RATED R
ni Rommel Gonzales
MATAPOS mapanood sa mga GMA series, bida na ngayon sa unang pagkakataon sa pelikula ang Kapuso child actor na si Franchesco Maafi at ito ay sa The Special Gift.
“Ako po si Liam dito, ako po ay parang special na bata, mayroon po akong Savant Syndrome, parang mayroon po akong mild autism.”
Kuwento naman ni Franchesco o Choco ukol sa titulo ng pelikula nila, “Pinag-isipan po ‘yan ni direk, kasi lahat po kaming magkakapatid dito parang mga special po, may special talents, kaya po special gift ang naisipang title niyong movie.”
Unang nakilala si Choco sa mga Kapuso serye tulad ng Beautiful Justice, Nakarehas Na Puso, at Hearts On Ice bilang batang Xian Lim.
Ano ang pinakapaborito niya sa mga teleseryeng nagawa?
“Lahat po, lahat po maganda, lahat po paborito ko.”
Ongoing na ngayon ang mga block screenings sa iba’t ibang sinehan.
Kasama rin sa pelikula sina Mike Lloren, Migui Moreno, Malou Canzana, Romina Cauilan, Ella Sheen, ang newbie actor na si Angelo Gomez, at ang young actor na si BJ “Tolits” Forbes. May special participation si Soliman Cruz.
Ang ‘The Special Gift’ ay sa isinulat ni Erick Castro, with Mr. Roy Gomez as executive producer (ng RC Gomez Entertainment Productions), at idinirehe ni Lawrence Roxas.
