SM Foundation naghatid ng tulong medikal sa Mindanao

Mahigit 1,000 benepisyaro mula sa Butuan at Davao City ang nakatanggap ng libreng medical at dental check-up, kasunod ng patuloy na paghahatid ng SM Foundation ng libre at kalidad na serbisyong pangkalusugan.

Sa pakikiisa sa Watsons Philippines, nagsagawa ng higit sa 700 mga serbisyong medikal sa SM City Davao. Kasama sa mga serbisyong inihitid ng social good collaboration ay ang mga X-ray, ECG (electrocardiograms), pagsusuri ng blood sugar, pagsusuri ng kolesterol, pagsusuri ng uric acid, at pagsusuri ng hemoglobin.

Mahigit 800 mga benepisyaryo rin ang nakatanggap ng libreng medikal at dental services sa isa pang medikal mission sa SM City Butuan.

Kasama ng SM group sa paghahatid ng serbisyo ang DMIRIE Foundation (MX3), Butuan City LGU, Butuan City Health Office, at Philippine Red Cross-Agusan del Norte – Butuan City Chapter.