Allen Dizon supportive sa showbiz career ng anak na si Nella Dizon

ALAM MO NA!
ni Nonie Nicasio

THREE days ago ay nakita namin sa FB post ni Dennis Evangelista na natapos na ang shooting ng pelikulang “Apo Hapon” ng GK Production. Ito’y mula sa screenplay ni Eric Ramos at sa pamamahala ng premyadong direktor na si Joel Lamangan.

Ang pelikula na isang Rom-Com at historical film, ay pinagbibidahan nina JC de Vera at Japanese actress na si Sakura Akiyoshi.

Ang beauty queen/actress na anak ni Allen Dizon na si Nella Dizon ay isa sa tampok sa naturang pelikula.

Nasa casts din ng Apo Hapon sina Lianne Valentin, Fumiya Sankai, Jim Pebanco, Perla Bautista, Marcus Madrigal, Rico Barrera, Yoshiko Hara, Prince Clemente, at iba pa.

Nabanggit ni Nella ang role niya sa peliikula.

Aniya, “Ang role ko po sa movie na ito, ako po ay isang Igorot na asawa ni Fumiya.”

Kilala si Allen bilang multi-awarded actor, ano ang payong ibinibigay sa kanya ng dad niya?

Tugon ni Nella, “Sabi niya po sa akin, ‘Do your best, i-feel mo na ikaw iyong character… study the script, study kung paano sasabihin ‘yung lines mo, all about details, all about the little things na may kinalaman sa character mo.’ Iyon po ang sinasabi niya sa akin.

“Hindi naman niya ako pine-pressure, pero he always tells us to do our best.”

Nabanggit din ni Nella na supportive ang kanyang dad sa showbiz career niya. “Yes po, he’s very supportive po sa aking showbiz career,” masayang sambit ng panganay na anak ni Allen.

Incidentally, matapos manalo bilang Mutya ning San Fernando last May, lalaban naman si Nella sa Mutya ning Kapampangan sa darating na December. Goodluck Nella!